Kalibo Aklan——–Padayon nga ginabueong sa Aklan Provincial Hospital ro daywang ka mga indibidwal matapos nga masunggaban ro andang ginasakyan nga tapdown tricycle sa national highway nga sakop it Brgy. Mantiguib, Makato.
Ninahan ro driver nga si Ramon Tabernilla, sa legal na edad it Brgy. Tugas kamana man ro anang helper nga si Joebert Arguelles, 21-anyos it Brgy. Poblacion sa nasambit nga banwa.
Samtang, una eon sa kustudiya it Makato PNP para sa nagakaigong imbestigasyon ag disposisyon ro driver it motorsiklo nga si Jimmy Prado Jr., 21-anyos, residente it nasambit nga lugar nga imaw ro ginaturo nga nakasunggab sa mga biktima.
Base sa imbestigasyon it pulisya, may kadasigon ro pagmaneho ni Prado rason nga uwa nana nataeopangdan ro daywa nga nagapaliko kunta sa crossing sa nasmabit nga lugar rason nga natigayon nana raya nga nasunggaban.
Ro insidente hay padayon pang ginaimbestigahan.
Weather Update
