Kalibo Aklan ————Ninahan ro daywang ka mga indibidwal matapos nga sumunggab ro andang ginasakyan nga van sa sangka payag bandang alas-10:00 it agahon sa national highway nga sakop it Brgy. Pinatuad, Nabas.
Ginkilaea ro van driver nga si Mark Anthony Avelgas, 35-anyos it Brgy. Agbanawan, Banga.
Samtang ro sakay kara hay ginkilaeang si Marlon Carlo Dorado, 33-anyos, sangka technician ag residente man it Brgy. New Buswang, Kalibo.
Sa inisyal nga imbestigasyon it Nabas PNP, nadueaan it preno ro saeakyan nga gintunaan it pagkasunggab kara sa payag nga gina-stockan it tubi.
Maswerte eamang ag nakapangaman ro mag-asawa nga presenteng una sa payag kat natabo ro aksidente rason nga kasakitan ag gasgas eamang sa kaeawasan ro andang naangkon.
Ro insidente hay padayon pang ginaimbestigahan it Nabas Police Station para sa nagakaigong disposisyon.
