Kalibo Aklan ———–Daywa ka mga indibidwal ro natigayon nga naaprehend it pulisya sa border control checkpoint sa Brgy. Caano, Kalibo matapos nga uwa ro mga raya it ginapakita nga dokumento sa kahoy nga andang ginakarga.
Posibleng magapangatubang sa kasong pag-eabag sa Sec. 5 it Republic Act 10593 ukon An act providing for the regulation of cutting of coconut trees ag sa Sec.7 it Republic Act 9175 ukon Chainsaw Act of 2002 ro uwa eon nagpahingaean nga mga persona.
Narekober sa mga raya ro kapin sa 1,200 board feet it linagare nga kahoy it niyog kon sa siin uwa ro mga raya it maipakita nga dokumento kat ginpangayuan sanda it pulisya.
Ro nasambit nga mga kahoy hay nakataeana nga igaturn-over sa Department of Environment and Natural Resources ukon DENR para sa nagakaigong disposisyon.
