Kalibo Aklan ———-Nakaangkon it head on collision ro daywang ka mga tricycle sa circumferential road it Brgy. Tigayon, Kalibo.
Base sa report, halin sa banwa it New Washington ro tricycle nga ginamaneho ni Wenebel Barrera, 45-anyos, sakay sanday Anecito Isida, 41-anyos ag Rowel Inate, sa legal nga edad ag mga residente it Brgy. Liloan, Malinao kat gulpi eamang nga sumunggab sa tricycle nga ginamaneho ni Junie Tejada, 40-anyos sakay sanday Anjo Retuba, 33-anyos; Anthony Tejada, 42-anyos; Mary Joy Tejada, 33-anyos; Sonny Tejada, 12-anyos ag sangka an-om nga dag-on nga onga nga nagapauli eon kunta sa Brgy. Mabilo, New Washington halin sa sa Sta. Cruz Biga-a, Lezo.
Bangud sa mabaskog nga impact it pagkasunggab, nakaangkon it lastro sa kaeawasan si Barrera nga insigida man nga nadaea sa Aklan Provincial Hospital it mga nagresponding miyembro it MDRRMO Kalibo para sa anang nagakaigong pagbueong.
Samtang, ro driver it sambilog pang tricycle ag ro mga sakay kara hay gilayon man nga ginrefer sa outpatient department it ospital matapos nga naeapatan it paunang medikasyon bangud nga minor injuries eamang ro naangkon it mga raya.
Ro daywang ka mga behikulo hay nakaimpound makaron sa Kalibo Police Station samtang ro insidente hay padayon pang ginaimbestigahan it pulisya.
