Nakalista pa ro Department of Health (DOH) it daywang bag-ong Mpox cases sa Metro Manila.
Suno sa DOH, ro daywa nga bag-ong kumpirmadong kaso it Mpox hay parehong eaeaki nga nakitaan it MPXV Clade II, nga mas mild nga klase it Mpox virus.
Nasayuran nga ro Mpox case 11 hay sangka 37-anyos nga eaeaki nga nakitaan it mga sintomas it sakit ko Agosto 20, kaibahan ro rashes sa mukha, braso, hita, thorax, paead ag dapadapa.
Sa inisyal nga imbestigasyon, uwa man sigon imaw nag angkon it anuman nga exposure sa sin-o man nga tawo nga may kaparehas nga sintomas apang gin-ako kara nga nakaagi imaw it close, intimate ag skin-to-skin contact, may 21-adlaw bago nag-umpisa nga magguwa ro mga sintomas it sakit.
ginbue-an imaw ra it skin sample, nga raya ro ging obserbahan it mga DOH Research Institute for Tropical Medicine (RITM).
Samtang ro Mpox case 12 man hay sangka 32-anyos nga eaeaki eon ro sintomas ag nag-umpisa ko Agosto 14, kaibahan eon ro skin lesions sa anang groin area ag eagnat.
gin-ako it pasyente nga nakaagi imaw it intimate ag skin-to-skin contact sa sangka sexual partner.
Una sigon raya nga nagpakonsulta sa sangka outpatient clinic apang ginghambae malang nga sangka bacterial infection eamang ro anang sakit, matapos ro pilang adlaw, nag-umpisa eon man sigon nga naka angkon imaw it punggod nga kaanggid it lesions sa ana karon nga itsura, dahi, ag anit.
Suno sa DOH, nga may kabilugang 12, ro nailista nga kaso it Mpox sa nasyon halin ko 2022 ag ro 9 sigon sa mga pasyente hay nakarekober eon sa dinabatyag ko nag taliwan pa nga 2023.
Samtang ro tatlong aktibo nga kaso hay may una pa nga mga sintomas ag gianhueat pa nga magmayad.
Sinigurado man it DOH nga naimpormahan eon nanda ro mga local government units (LGUs) kung siin nagadayon ro Mpox cases 11 ag 12.
Sanda sigon ro kabaskog ag awtoridad para maghayag it mas detalyadong impormasyon ag response action kaangot kara.
