Una eun sa kustodiya it Immigration agency it Indonesia ro daywa s kaibahan ni dismissed Bamban, Tarlac Mayor Alice Guo suno kay Department of Interior and Local Government Secretary Benhur Abalos Jr., base sa nabaton nana nga report kahapon kay Philippine National Police Chief (PNP) Police Gen. Rommel Francisco Marbil.
Naghana sigon nga magguwa it Indonesia sanday Cassandra Li Ong ag Shiela Guo kat mabaeabagan raya it Indonesian authorities.
Si Cassandra Li Ong, hay gina-angot kay Guo ag sa POGO nga Lucky South 99.
Samtang, base sa nabaton nanda nga report, ginpamalibaran ni Abalos nga sa Pilipinas pa si Pastor Apollo Quiboloy.
Suno kay Abalos, may direktiba eun sa mga pulis nga tan-awon ro kada sulok it nasyon si Quiboloy para indi raya makapanaw it nasyon kapareho ni dismissed Bamban mayor.
Ginsiguro ni Abalos nga seryoso ro mga kapulisan sa mga nasambitan nga kaso, ag bukon eang it kay Quiboloy ag Guo kundi sa tanan nga may warrant of arrest.
