KALIBO, Aklan — Boluntaryong ginsurender it sangka concerned citizen ro daywang loose firearms sa 4th Aklan Maneuver Platoon it 2nd Provincial Mobile Force Company sa Brgy. Bagong Bayan, Buruanga, adlaw it Martes, Agosto 20, 2024.
Suno kay P/Lt.Col. Donniel Regis, Force Commander it 2nd PMFC nga boluntaryo nga nag-agto kanda ro sangka concerned citizen ag gintau ro anang daywang loose firearms.
Ro boluntaryo sigon nga pagsurender sa mga loose-firearms hay nagapakita it suporta ag kooperasyon sa mga awtoridad.
Raya hay kasunod it ginpabaskog nga kampanya it PNP kontra loose firearms kun sa siin ginturn-over raya sa Buruanga Municipal Police Station para sa nagakaigo nga dokumentasyon.
Gin-safekeeping ro daywang .38 revolver nga baril sa Supply Section it 2nd Aklan PMFC.
Sa pihak nga parte, padayun nga gina engganyo it kapulisan ro publiko eabi eon ro mga may baril nga owa it nagakaigo nga dokumento ag gusto raya nga isurender nga makipag-angot eamang sa pinakamaeapit nga estasyon it pulisya.
