POLICE Report — Daywang ginadudahan nga manakaw it kable it kuryente ro naaresto kaibahan ro sangka naninahan matapos nga makipagbaeayluhan it eupok sa mga awtoridad sa siyudad it Biñan, Laguna.
Ro daywang nasakoteng suspek hay nakilaea sa mga alyas nga Angelo ag Jejomar, parehong sa tamang edad ag residente it siyudad it San Pedro it nasambit nga probinsya.
Base sa inisyal nga report, bandang alas-2:10 it aga-aga kat nagpangayo it bulig ro daywang security guard sa Biñan City Police Station angot sa daywang suspek nga gina-eagas it kaparehong mga gwardiya.
Nasayuran nga madasig nga naghueag ro mga miyembro it SWAT Team it Biñan City nga nagresulta sa engkwentro nga ginkanina it suspek nga si Angelo nga nag-angkon it tama it bala sa waea nga parte it tiyan nga padayun nga ginabueong sa pinakamaeapit nga ospital samtang insigida man nga naaresto ro kaibahan kara nga si Jejomar.
Narekober sa mga suspek ro mga gintakaw nga electric wire nga kapin sa P50,000, samtang nabo-oe man sa mga suspek ro gingamit nga cutting wire ag sangka kalibre 38 revolver nga owa it serial number.
