(Update)KALIBO, AKLAN — Nakit-an eon ro daywang hiker nga naunang napabalitang naduea samtang pasaka sa Mt. Nausang sa Libacao, Aklan ag Mt. Madjaas sa Antique.
Ginasugid nga nagpahuway anay ro mga hikers nga sanday Richard Ropero it Lezo, Aklan ag Ritchel Casidsid it Malay, Aklan kaibahan ro local guide kabangdanan nga uwa insigidang nakapanaog ko adlaw it Linggo, Mayo 7.
Mag-eowas kara, nabuhayan sigon ro andang paghimo it trail ukon daean bangud sa masiot nga lugar.
Na-contact eon ro daywa it andang grupo sa Aklan Mountaineers Organization nga nagreport it andang pagkaduea sa Provincial Disaster Risk Reduction and Management Office.
Eowas ag una sa mayad nga kahimtangan sigon ro mga mountaineers.
Ginasugid nga uwa it signal ag running low ro battery ko cellphone it daywa.
Insigida nga gin-alerto ro mga MDRRMO it Libacao ag Madalag agud magpatigayon it search and rescue operation sa tatlo.
Nasayuran nga ro tatlo hay naghalin ko Mayo 4.
