Ginkumpirma it Department of Migrant Workers (DMW) nga ginhostage ag pinatay ro daywang overseas Filipino workers (OFWs) it anda mismong amo sa Beirut, Lebanon ko Abril 15.
Sa sangka statement, gin-report it DMW nga ro mga biktima, nga parehong mabuhay eon nga nagapanerbisyo bilang mga kasambahay sa sangka residence, hay ginpangbaril sa katung-anan it hostage incident.
Nadakpan man ro suspek nga employer ag presenteng sa kustodiya eon it local police samtang naka-pending ro pormal nga mga kaso.
Kasunod it insidente, personal nga ginbisita it DMW officials ro naaywan nga pamilya it mga biktima para maipaabot ro pakikisimpatiya ag ginpasiguro ro pagtau it bilog nga suporta it gobyerno.
Hugut makaron nga nakikipagbueuligan ro Migrant Workers Office kaibahan ro Philippine Embassy sa Lebanon, sa mga lokal nga awtoriad para sa madaeuman nga imbestigasyon ag pagpasaka it nagakaigo nga mga kaso kontra sa suspek.
Ginpasiguro man it gobyerno it Pilipinas ro pag-angkon it hustisiya para sa mga biktima ag pagtau it padayun nga bulig sa andang pamilya kaibahan ro repatriation ag access sa mga benepisyo.
