KALIBO, AKLAN — Patay ro daywang katawo samtang ap-at nga pulis ro naninahan matapos araduhon it van sa Brgy. Calangcang, Makato, Aklan.
Magkasunod nga gin deklarang dead on arrival sa Aklan Provincial Hospital ro mga biktimang sanday Rogelio Autor, 62, driver it truck, residente it Valenzuela City ag ro nasunggaban karang motorcycle rider nga si Erwin Melanio, residente it Brgy. Cabatanga, Makato, Aklan.
Samtang, naninahan ro ap-at nga pulis nga rumesponde sa natabong aksidente kun siin sanday PO2 Kynch Parce ag PO3 Rufino Donato ro padayun nga gina bueong sa pribadong ospital bangud sa mga gin angkon nga bali sa magkaeain-eain nga parte it kaeawasan ag naga kinahangean it pilang bags it dugo.
Base sa report, samtang gina imbestigahan it pulisya ro driver it truck sa natabong aksidente kun siin patay ro nasunggaban nga motorcycle rider kat gulping sumoepot ro naga ragasang van halin sa Caticlan, Malay nga ginamaneho ni Ricardo Llanera Palmes, 61, it Calinog, Iloilo.
Gina sugid nga owa kara napan-uhan ro nakabalandrang truck ag motorsiklo sa national highway ag owa insigidang natakpan ro preno rason nagdere-derecho sa mga biktima.
Nag surrender man sa mga pulis ro driver it van matapos ro insidente.
