Kalibo Aklnan——-Patay ro daywang ka mga motorcycle rider matapos magbungguan sa National Highway nga sakop it Brgy. Jumarap Banga.
Ro mga biktima hay ginkilaea kanday Nikko Cuatres, 21 anyos ag residente it Brgy. Palali kamana man si John billiones, 23 anyos ag residente it Brgy. Linabuan Sur sa nasambitan nga banwa.
Ro dawyang ka mga persona hay parehong nakaangkon it fatal nga mga lastro sa kaeawasan nga naging rason it hinali nga kamatayon.
Ginapahayag nga maghalin sa interior nga porsyon it lugar ag pagguwa kungta sa highway si Cuatres kat gulpi man nga nagpaabot si Billiones kung sa siin natigayon rayang magbungguan.
Ginasugid nga owa it headlight ro motor ni Billiones rason para raya hay indi makit-an it anang kasub-eang.
Una pa nga gindaea sa Aklan Provincial Hospital ro daywa apang gindeklarang patay it nagtatap nga doktor.
