KALIBO, Aklan — Patay ro daywang ka eaeaking sakay it motorsiklo sa natabong aksidente sa national highway nga sakop it Brgy. Tamalagon, Tangalan, Aklan.
Ginkilaea ro mga sakay it motorsiklo nga sanday Napthaly Masula, 40, residente it Brgy. Dumatad Tangalan, Aklan ag angkas kara nga si Tranquilino Esperidion it Brgy. Bakhaw Sur, Kalibo, parehong construction worker.
Nakasunggaban it motorsiklo ro sangka mini-bus nga ginamaneho ni Porferio Agustin Jr. it Brgy. Odiong, Altavas, Aklan.
Base sa report, gulpi eon lang nga inagaw it motorsiklo ro linya it mini-bus rason nga natabo ro banggaan.
Parehong nakaangkon it lastro sa nagkaeain-eain nga parte it kaeawasan ro daywang rider nga naging rason it andang pagkamatay.
Presenteng una sa kustodiya it Tangalan Police Station ro driver it mini-bus para sa nagakaigong imbestigasyon ag disposisyon sa kaso.
2 patay sa banggaan it bus ag motorsiklo
-- ADVERTISEMENT --
