POLICE Report — Patay ro daywang katawo matapos barilon it nagahurumintadong kaeapitbaeay.
Ginkilaea ro mga namatay nga sanday Nicardo Nombrado, 59, ag George Kyle Lucas, 39, retired US Navy ag parehong residente it Lucas Compound, Bayabas Extension, Barangay Punta Princesa, sa nasambit nga siyudad.
Nadakpan man ro suspek nga ginkilaeang si Kevin Asia, 30, ag naga-istar sa nasambit nga lugar.
Base sa report it Labangon Police Station, bandang alas-7:50 it gabi kat natabu ro krimen sa nasambit nga lugar.
Ginasugid nga nagsueod ro suspek sa nasambit nga compound apang ginpaguwa it mga residente bangud nga bukon nanda it kakilaea.
Sa baylo nga magguwa ro suspek hay nagwala pa raya rason nga nagbo-oe it baseball bat si Nombrado para tabugon paguwa si Asia nga mas pa kara nga ginkaakig ag dayun nga inagaw ro baseball bat ag ginpangbunae sa mga residente.
Bangud sa kinagamo, nagguwa si Lucas it anang baeay bitbit ro baril ag ginbaril ro suspek sa siki agud nga matumba.
Apang mas pang naging agresibo ro suspek ag naagaw kara ro baril kay Lucas nga insigida nana nga ginbaril sa leog kamana man si Nombrado nga naging rason it insigida nanda nga pagkamatay.
Dikara hay ginkabuligan eon nga bugbugon it mga residente ro suspek nga nagresulta sa pagkadakop kana.
Sa pahayag it mga kaeapitbaeay, sabog sigon sa ilegal nga droga ag adik sa online gambling ro suspek umpisa nga mamatay ro anang asawa ko nagtaliwan nga dag-on.
Nagapangatubang makaron sa kasong double murder ro suspek.
