NATIONAL News — Nag-abot eon sa nasyon ro daywang bag-ong armored vehicle-launched bridge units it Philippine Army nga sangka military support vehicle nga makasarang nga makapag-deploy it portable nga tulay, agud nga makatabok sa mga suba ro mga tangke ag heavy equipment it nasyon.
Suno kay Philippine Army Spokesperson Colonel Xerses Trinidad, ro pag-abot it daywang unit hay magiging “game changer” sa mga operasyon it Philippine Army Engineer Combat Battalions.
Nasayuran nga nabo-oe ro nasambit nga mga saeakyan sa bulig it Philippine-Israel government-to-government deal, nga kaparte it horizon two it revised Armed Forces of the Philippines Modernization Program.
Sa makaron hay igapaidaeum anay sa technical inspection and acceptance committee it Department of National Defense (DND) procurement service ro daywang armored vehicle antes nga i-deploy sa Philippine Army Engineer Combat Battalions.
