Balitang Espesyal——Sangka casino sa Washington state casino ro nag-angkon it daywang Guinness World Records kat ginselebrar nanda ro andang bag-ong parking garage pinaagi sa sangka karera it daywang race car nga himo sa 91% cake.
Ginpakarera it Ilani casino, ro daywang Formula One cars replica nga himo sa cake ro eawas nga nakapatong sa aluminum chassis.
Suno sa Cowlitz Indian Tribe nga nagapanag-iya sa casino, ginpasiguro nanda nga pwedeng kaunon ro 91 porsiyento it daywang race cars agud nga maging sueod raya sa sueundanan it Guinness World Records.
Ginmaneho it Formula One driver nga si Michael Andretti ro sambilog sa mga race car, nga umabot sa 17.08 mph ro kadasig ag nagdaeagan sa kaeayuon nga 349.81 feet.
Bangud kara, naangkon it race car it casino ro daywang world record: ro pinakamadasig nga saeakyan nga pwedeng kaunon ag ro pinakamaeayong distansya nga nabiyahe it sangka saeakyan nga pwedeng kaunon .
