Kalibo Aklan ——-Arestado ro daywa ka mga motorista matapos mag-eabag sa COVID-19 curfew ordinance ag owa pagsuksok it facemask sa kahabon it Jaime Cardinal Sin Avenue, Kalibo.
Pasado alas 11 kabi-i nadakpan si Jerry Flaviano, 44-anyos, residente it Brgy. Mabilo, New Washington samtang si Anthony Misolas, 40-anyos, residente it Brgy. Caano, Kalibo hay nadakpan takna kabi-i.
Ro daywa hay parehong una sa idaeom it makahieilong nga ilimnon kung siin pareho man sandang nag-eabag sa curfew bangud sa andang pagpabilin sa guwa kamana man nga owa it mga suksok nga facemask.
Matueopangdan nga hugut ro pagbantay it mga kapulisan sa mga nagapangunang daeanon sa bilog nga probinsya it Aklan.
Raya nga tikang hay para indi eon magkalhit pa ro Coronavirus Disease (COVID-19) pandemic.
