Kalibo Aklan ——-Padayon man nga ginabueong sa Aklan Provincial Hospital ro daywang ka mga motorista matapos nga maaksidente sa tagsa ka ginamanehong motorsiklo sa mga nagapangunang daeanon sa banwa it Kalibo.
Una kara, nataeopangdan nga una sa idaeom ko impluwensya it aeak ro driver nga si Jesus Tomas Mijares, sa legal nga edad ag residente it Sto. Village kat nagamaneho sa anang motorsiklo nga gintunaan it anang pagkadisgrasya.
Nakaangkon it lastro sa ueo ag iba pang parte it kaeawasan ro driver rason nga ginpakamayad nga magpabilin sa nasambit nga ospital para sa nagakaigong pagbueong.
Samtang sa pihak nga parte, landing man sa nasambit nga ospital si Paul Zorca, 24-anyos matapos nga matumba sa ginamaneho nga motorsiklo tuga man it impluwensya it aeak.
Base sa report, uwa nataeopangdan ni Zorca ro pagpundo it behikulo nga una sa anang unahan rason nga ana raya nga nabanggaan.
Bangud kara, nakaangkon imaw it lastro sa nagkaeain-eain nga bahin it kaeawasan ag ginpakamayad nga magpaconfine sa nasambit nga ospital para sa anang nagakaigong pagbueong.
