Kalibo Aklan ———-Ninahan ro daywang ka mga motorcycle rider matapos nga sumunggab sa sangka truck ro ginasakyan nandang behikulo sa Sitio Tabayag, Brgy. Archangel, Balete.
Base sa report, ginkilaea ro driver it motorsiklo nga si Rica Mae Barrientos, 23-anyos ag ro anang backrider nga si Angel Delos Santos, 23- anyos, parehong residente it nasambit nga lugar.
Sa inisyal nga imbestigasyon it Balete PNP, naglikaw sigon ro truck nga ginamaneho ni Elmer Tañon, 23-anyos it Brgy. Aranas it nasambit nga banwa sa motorsiklo nga nakaparking sa kilid it karsada rason nga gin-okupa kara ro daean nga sakto man nagapaabot ro kasub-eang kara nga motorsiklo nga gintunaan it aksidente.
Bangud sa mabaskog nga impact it pagkasunggab, natumba ro daywa nga gintunaan man it pag-angkon it mga raya it lastro sa kaeawasan partikular si Delos Santos nga may nina sa ueo rason nga nagapabilin pa raya sa ospital.
Samtang si Barrientos, matapos nga gin-eapatan it medikasyon hay insigida man nga ginrefer sa out patient department.
Ro aksidente hay padayon pang ginaimbestigahan it Balete PNP para sa nagakaigong disposisyon.
