POLICE Report — Daywang sabungero ro namatay kat barilon it sangka owa nakilaeang kapareho nga sabungero, matapos nga makaangkon it mainit nga diskusyon ro mga raya sa Agoncillo Cockpit Arena, Barangay Bagong Sikat, Agoncillo, Batangas.
Ginkilaea ro mga biktimang namatay nga puro nag-angkon it tama it bala sa parte it eawas nga sanday Jordan Alvarez y Aquino ag Jelo Agojo y Daño, parehong sa tamang edad ag naga-istar sa nasambit nga probinsiya.
Samtang, ro owa nakilaea nga suspek hay may kataason nga 5″3, nakasuksok it black T- shirt ag maong nga short nga madasig nga nagpaeagyo matapos ro insidente paagto sa indi pa matumod nga lugar nga kon sa siin padayun raya nga ginatugis mga awtoridad para pasabton sa kasong pagpatay sa mga biktima.
Base sa inisyal nga imbestigasyon it Agoncillo Police Station, natabu ro insidente bandang alas- 10:30 it gabi-i samtang ro mga biktima hay parehong sa sueod it bueangan, kun sa siin nakaangkon it mainitang diskusyon ro sambilog sa mga biktima ag suspek sa indi pa masayuran nga rason nga nagresulta sa pagpamaril.
Nasayuran nga una anay kara nga ginbaril si Alvarez ag ginsunod si Agojo nga puro namatay.
