Ginkumpirma it Philippine Air Force (PAF) ro pagbagbag it daywa sa andang SF-260 basic trainer aircraft matapos magbungguan sa ere samtang nagapatigayon it training flight sa Fernando Air Base sa Lipa City, Batangas bandang alas-3:51 it hapon.
Base sa mga paunang report, namatay ro ap-at nga piloto nga nakasakay sa daywang eroplano, sa pihak nga nagapadayun pa ro beripikasyon ag owa pa it opisyal nga pahayag ro PAF angot sa andang kahimtangan.
Insigida man nga nag-deploy it response team ro PAF agud nga i-secure ro lugar it aksidente, umpisahan ro paunang imbestigasyon, ag siguraduhon ro kaeowasan it mga tawuhan pati eon ro mga kaiping nga residente.
Ro mga eakot nga aircraft hay ginapatihan nga mga ulihing bersyon it SF-260FH nga nabakae sa idaeum it administrasyong Arroyo ag naideliber ko pag-umpisa it administrasyong Aquino.
Nagapabilin nga nakatutok ro pamunuan it PAF sa maid-id nga imbestigasyon samtang ginataw-an it prayoridad ro seguridad ag kamaeayran it tanan nga naapektuhan it tragic incident.
