KALIBO, Aklan — Patay ro sangka 37-anyos nga eaeaki matapos nga ro anang ginamaneho nga tricycle hay bumangga sa kaparehong tricycle sa Brgy. Pook, Kalibo, Aklan.
Nakilaea ro namatay nga si Delbert Cortes Olarte, residente it Brgy. Fatima, New Washington matapos nga matumbahan it anang tricycle.
Naninahan man ag padayun nga ginabueong sa Aklan Provincial Hospital si Junjun Nervar Orbista, 25, ag residente it Brgy. Dit-ana, Madalag, Aklan.
Base sa imbestigasyon it Kalibo Police Station, bandang alas-11:00 it gabi-i, samtang nagabiyahe si Orbista sa may Pook airport halin sa Kalibo paagto sa direksyon it New Washington kat gulping bumangga sa anang likod ro nagasunod kana nga tricycle ni Olarte.
Bangud kara, parehong bumalintong ro daywang tricycle.
Nadaea pa sa ospital ro daywang driver , apang gindeklarang dead on arrival si Olarte samtang padayun nga gina-obserbahan ro kahimtangan ni Orbista.
