Ginasueong ni Interior Secretary Jonvic Remulla nga obrahon nga non-bailable ag papanaugan it hasta sa 20 anyos nga pagkakulong ro ilegal nga pagpanag-iya it loose ukon unregistered firearms.
Suno kay Secretary Remulla, kinahangean nga instriktuhan ro laye bangud sa pilang kaso it kinagamo nga eakot ro mga baril nga legal nga ginapanag-iyahan it mga nagatrabaho sa gobyerno, apang naagto sa alima it bukon it awtorisado.
Bilang sabat sigon sa pagpamaril sa Tacloban City ag Zamboanga City, dapat usisaon eon it law enforcement agencies ro andang firearm policies.
Ginaeauman it sekretaryo nga matalakay eon it Kongreso ro mas hugut nga gun laws pagsueod it Enero it masunod nga dag-on.
Ginpamilit ni DILG Secretary Remulla nga sangka pribilehiyo ro pagpanag-iya it baril ag bukon it kinamatarung rason nga dapat sigon raya nga itago it mayad ag ipa-inspeksyon sa gobyerno.
