KALIBO, Aklan — Patay ro driver it motorsiklo matapos maaksidente sa national highway nga sakop it Brgy. Linabuan Norte Kalibo, bandang alas-2:30 it aga-aga it Sabado, enero 31, 2026.
Ro biktima hay sangka 20 anyos nga third year college student ag residente it Brgy. Linabuan Sur, Banga.
Ginasugid nga nag-overshoot ro biktima ag bumunggo sa poste rason nga inapok halin sa anang motorsiklo kun sa siin tumama ro anang ueo sa gutter.
Nag-agum ro biktima it lastro sa anang ueo ag iba pang parte it anang eawas nga naging rason it anang hinali nga kamatayon.
Ginhingagaw pa raya nga ma-revive ag insigidang gindaea sa ospital apang gindeklarang dead on arrival.
Ginapatihan nga madasig ro pagpadaeagan it biktima rason nga nadaeuan raya it kontrol sa pagmaneho.
