Nagdihon it sangka hagna si Sen. Ramon Bong Revilla Jr. nga nagatao it 20 porsiyentong diskuwento sa kada kubos nga Pilipino para sa mga nagakaigo nga dokumento nga kinahangeanon sa andang pag-apply it trabaho.
Ro Republic Act No. 11261 ukon ro ‘First Time Jobseekers Assistance Act’ nga makabulig sa kada kubos nga pumueuyo para mapaugan ro andang mga gastusan sa pag-aaply it trabaho nga sambilog sa rason kung haman it mataas ro numero it mga Pilipino nga owa it trabaho.
Suno kay Revilla, tanan nga kompanya maging pribado man ukon pangpubliko hay nagakinahangean it legal nga dokumento nga kainahangean ma-isumite it mga aplikante mahalin sa mga ahensiya it gobyerno ag raya tanan hay may nagakaigo nga bayad.
Engkaso nga ro nasambit nga hagna hay eubusan eon nga maging laye hay mabuhinan it 20% diskuwento ro tanan nga baeayran it sangka kubos nga aplikante sa Barangay Clearance,NBI Clearance, PNP Clearance, Medical certificate para sa local employment maghalin sa maskin anong government hospital nga sa idaeom it pagdumaea it Department of Health (DOH).
Samtang,Kaibahan man ro PSA Marriage Certificate, PSA Certificate of Live Birth, Transcript of Records, Diploma, Certificate of Good Moral Character maghalin sa eskuwelahan, CSC Certificate it Civil Service Eligibility, National Certificate ag Certificate of Competency nga gin-isyu it TESDA ag iba pang dokumento nga gin-isyu it gobyerno nga kinahangeanon sa pag-usoy it trabaho.
Sa pihak nga parte, kinahangean eamang nga magdaea it sangka aplikante it pamatuod maghalin sa social welfare it lokal nga gobyerno ukon opisyal it barangay nga raya hay sangka makabig nga kubos ag ro mga miyembro it ‘Pantawid Pamilyang Pilipino Program’ ukn 4P’s hay awtomatikong kuwalipikado eon sa nasambitan ngna hagna.
