Nagatao sigon it pagbuhin sa ‘stress’ ro 20 minutos nga pagtikang sa beach, park ag pagha-hiking sa palibot. Suno sa pag-tuon, mas nagiging mapagsik, masadya ag `refresh’ ro sangka tawo pagkatapos nga mag-nature trip bangod bukon eamang it bangod sa nakakakita Kita it bag-ong view kundi manami man raya sa kaeawasan.
Mag eowas pa kara nga ro nature hay manami sa mental health, mas epektibo raya kung gatindog sa gilid it dagat AG tan-awon ro paghueag it humbak o pagbaeod it Tubi nga nagatao it katawhayan sa atong pin-ino. Ro nature hay nakakaguwa it stress ag anxiety bangod raya hay may kakayahan nga patawhayon ro kaeawasan AG aton nga spirits.
Suno sa pag-tuon it mga psychologist, ro 20 minutos nga pagpabilon sa nature hay nagapaguwa it cortisol levels, ro hormone nga responsable sa stress, samtang ro nature hay nagapataas it immune system bangod sa Japan, ro kinaugalian nga “Shinrin-yoku” o ‘forest bathing’ hay sangka pamaagi agod nga mapataas ro immune system.
Kung nahugman mo o nasinghot ro phytoncides, nagiging aktibo ro natural killer cells, nga kilaea bilang NK cells, nga ‘frontline defense’ it kada kaeawasan kuntra sa virus ag tumors. Nasayuran nga nakaka-improve it creativity ag focus ro nature kapin eon kung ikaw hay napapalibutan it mga lugar nga maabong puno.
Sa ginhimo nga pagtuon it University of Utah, nagaguwa nga 50 porsiyentong nagtaas ro pagiging creative it sangka tawo Kong nagapabilin it pilang adlaw sa nature. Dapat nga maintindihan it tawo nga ro manami nga taean awon sa background hay makabulig para magnami ro atong kaeawasan.
