KALIBO, Aklan—Kapin sa 200 nga pamilyang taga-barangay Estancia, Kalibo ro nagbaton kaina it bulig pinansiyal halin sa Department of Social Welfare and Development ukon DSWD.
Ginpangunahan it nasambit nga ahensiya kabulig ro barangay council it estancia ro pagpanupod it P3,000 pesos nga cash assistance sa mga benepisyaryo.
Angot kara, nagpangayo it pasaylo si kagawad Arnel Marcelino it nasambit nga lugar bangud nga bukon it tanan nga ginlista hay nakabaton it ayuda.
Suno kana nga matag-od nga tiempo eamang ro gintau kanda it DSWD sa pagsumite it listahan kun sa siin hay ginpaidaeum pa raya sa evaluation.
Ro mga benepisyaryo sigon it TUPAD, Assistance to Individuals in Crisis Situation ukon AICS program ag iba pang benepisyo hay indi eon makabaton it nasambit nga bulig pinansiyal nga ginasugid nga gintaeana para sa mga displaced workers ukon naduea-an it trabaho tuga it covid-19 pandemic.
Ginpahayag dugang nga gintunga-tunga nanda beneficiaries sa 16 nga sitio sa lugar.
