KALIBO, Aklan — Nagdonate it 200 units it mga Electric Tricycles ukon e-trikes ro Department of Energy (DOE) para sa mga displaced tricycle operators sa isla it Boracay.
Suno kay DOE Sec. Alfonso Cusi, nagpirma eon sanda kaibahan ro Department of Transportation (DOTr) ag Department of Interior and Local Government (DILG) it Memorandum of Agreement (MOA) para sa nasambitang proyekto.
Dugang pa it sekretaryo, sambilog raya sa mga nakikita nandang alternatibong solusyon sa padayon nga nagataas nga presyo it krudo ag gasolina sa nasyon.
Mas makakatipid sigon ro mga tawo kon e-trikes ro gamiton sa isla kamana man makabulig raya agud maresolba ro problema sa noise pollution.
Ginpahayag man ni Cusi nga ko una pa eamang hay nakit-an eon nanda ro kinahang-eanong ‘more efficient’ nga transport system sa isla.
Samtang, ro Boracay Inter-Agency Task Force eon sigon ro bahala sa instructions para sa mga recipients nga makabaton it e-trikes units.
