KALIBO, AKLAN — Pinagkaguluhan it kaparehong turista si Miss Universe 2015 Pia Wurtzback kaibahan ro boyfriend nga Filipino-Swiss car racer nga si Marlon Stockinger sa isla it Boracay.
Hugot nga seguridad ro gin patuman it Boracay Tourist Assistance Center (BTAC) ag Philippine Coast Guard (PCG)-Caticlan sa pag abot it magnobyo kaibahan ro andang mga pamilya para sa beach holiday.
Maghalin sa Caticlan jetty port hasta sa sumakay sa speedboat paagto sa hotel sa isla hay bantay sarado raya it mga pulis ag coast guard.
Madumduman nga apisar nga owa pa man kato gina aku it daywa ro andang relasyon hay ro mag-sweetheart nga naga bakasyon sa magkaeain-eain nga holiday destination sa kalibotan.
Gin pagpiyestahan man mga sexy photo ni Pia kamana man man ro andang mga sweet moments ni Marlon kun siin pila sa mga raya hay naging kontrobersiyal pa.
