-- ADVERTISEMENT --
Kalibo Aklan ———Nagaaeaum si House Speaker Alan Peter Cayetano nga antes matapos ro dag-on hay mapirmahan eon ni Pangueong Rodrigo Duterte ro proposisyong P4.5-trillion National Budget para sa 2021.
Ginpahayag ni Cayetano nga target it Kamara tapuson ro tanan nga deliberasyon it 2021 budget makaron nga buean para mapirmahan it presidente sa unang dominggo it Disyembre.
Makaangkon sigon it mas mahabang tyempo ro Government Agencies nga asikasuhon ro andang mga bidding ag procurement kon tempranong mapirmahan ro proposisyong pambansang pondo.
Ginpasiguro ni Cayetano nga magiging transparent ro deliberasyon it mga budget, bilang sabat sa mga kabaeaka kontra sa mga singit ag “pork” funds.
