Nagtapos eon ro prestihiyuso ag ginkabig nga sambilog sa mga makasysayan nga FIFA World Cup.
Kung siin nasikyar it Argentina ro kampeonato it FIFA World Cup 2022 sa Qatar matapos piyerdihon ro France sa score nga 4-2 sa penalty shootout sa hampang kara nga ginhiwat sa Lusail Stadium.iNaging makahawat-hawat ro naging hampang it defending champion France ag powerhouse team ni Leonil Messi nga Argentina.
Naging dukot ro hampang bangud sa parehong ginpatigayon nga hugot nga opensiba it daywang koponan.
Sa unang half it hampang hay buyot it Argentina ro abanse nga 2-0 sa pamaagi it andang star player nga si Lionel Messi.
Pagsueod it second half it hampang hay owa nagbuhi ro ranked number 4 nga France ag napasueod ni Kylan Mbappe ro magkasunod nga goal sa 80 ag 81 minuto rason nga mapatas kara sa 2-2 ro hampang kontra sa ranked number 3 nga Argentina.// Naging mainit ro ieislan it depensa it daywang koponan hasta nagtapos sa 2-2 ro unang 90 minuto.
Matapos mat-a ro extended nga 30 minuto hay nagtapos sa 3-3 draw ro hampang rason nga nagdesisyon ro referee nga magpatigayon it penalty shootout.
Sa penalty shootout hay unang napasueod ni Mbappe ro penalty shootout ag napatas man ni Messi ro penalty shootout sa 1-1.
Magkasunod man nga nabaeabagan it goal keeper it Argentina ro penalty shootout it France hasta masikyar it Argentina ro 4-2 ag eubusan eon sandang nagkampeon.
Raya eon ro pangatlong kampeonato it Argentina nga kung siin ro una hay ko 1978 tag piyerdihon ro Holland sa score nga 3-1 ag ko 1986 mat-a hay ginpiyerdi nanda ro Germany 3-1.
