Ginakabig nga remarkable sa bilog nga kasaysayan it FIFA World Cup ro tournament nga ginhost it Qatar.
Suno kay Bombo International Correspondent Catalino Valderama Jr., nga unang kahigayunan nga gin-adjust it FIFA ro scheduled it hampang nga masaming nagakatabo kada summer.
Mag-eowas sa mga kritisismo sa nasyon ag iba pang kontrobersiya hay napatigayon it maayos ro tournament maghalin ko November 20 ag nagtapos Disyembre 18, 2022.
Bilang sambilog sa mga overseas filipino workers ukon OFW’s nga maswerteng naging volunteer hay nasaksihan nana kon paano maghampang ro kada koponan kon sa siin bukon eamang it labanan raya it physical stability kundi maging it mental ag emotional capacity.
Inde sigon magkamayaw ro mga fans sa pagsuporta sa mga natungdan nga koponan halin sa umpisa hasta sa pagtapos it torneyo.
Raya man suno kana ro anang unang kahigayunan nga nakatan-aw it live nga hampang bilang sambilog man a mga fanatics it football.
