KALIBO, Aklan—Kasunod it amat-amat nga pagbawi sa pag-umwad sa ekonomiya it probinsya it Aklan hay ro pagtaas man sa tax collection, fees and charges it provincial treasurer’s office.
Suno kay provincial treasurer Bernardino Villaruel, positibo ro tax collection it andang taeatapan ko 2022 kon ikumpara ko 2021 kon sa siin kapin sa 120% ro gintaas sa collection pag-abot sa real property tax nga ko 2021 hay nakakolekta sanda it P122 milyon apang ko 2022 hay kapin sa P136 milyon ro andang nakolekta.
Makit-an suno kana nga nagbalik eon ro normal nga economic transaction sa probinsya it Aklan bangud nga ginaobligahan eon it tanan ro andang responsibilidad.
Ginpahayag dugang nga ro nagsueod nga funds sa province hasta it November nga datos nanda pag-abot sa fees and charges hay halin sa P27 milyon ko 2021 hay nakaabot raya it P205 milyon ko 2022 kon sa siin explainable ro nasambit nga kandidad bangud nga sa uman nga pagbukas it isla it Boracay sa mga turista.
Sa kabilugan suno kana hasta ko November 2022 nga datos hay kapin sa P188 milyon ro collection sa buwis ag non-tax nga haeos P80 milyon kamana man P414 milyon sa fees and charges.
May kaangtanan kara, nag-apela imaw sa mga tax payer nga inde pagkalipatan ro deadline sa pagbayad it andang buwis makaron nga buean it Enero ag pwede pa sanda nga maka-avail it 15 percent discount sa mga advance payment.
