KALIBO, Aklan—Gin-engganyo it Aklan Provincial Youth Development Office ro mga pamatan-on nga makipagbahin sa andang ginalunsar nga programa partikular ro 2023 Aklan Provincial Youth Officials kadungan it nagahilapit nga selebrasyon it Linggo ng Kabataan.
Suno kay Janica Anne Dela Peña, Aklan Provincial Youth Development Officer nga raya hay bukas sa tanan nga mga Aklanon nga naga-edad it 15 hasta 17 ag may good moral character.
Ro application period hay ginpaeawig pa it taeatapan it hasta Hulyo 30 agud mataw-an it bastanteng tyempo ro mga interesadong pamatan-on.
Target sigon nanda nga makabilog it 15 nga pamatan-on para magpartisipar sa programa kun siin maidid sanda nga pagapilion sa igapatigayun nga screening.
Ro sin-o man nga ma-qualify hay mataw-an it tyansa nga makita ag ma-eksperyensyahan ro trabaho ag responsibilidad it mga public servant sa tagsa-tagsa nanda nga opisina.
Kamana man nga may mabaton sanda nga honorarium sa kada adlaw nga pagduty sa sueod it limang adlaw halin Agosto 7 hasta 11.
