Gin-aprubahan eon it Senado ro 2025 national budget nga nagabalor it P6.352 trillion pesos.
Kapin sa 18 ro bomoto nga pumabor, uwa it nagkontra ag sangka abstention.
Una kara, ginsertipikahan ni Pangueong Ferdinand Marcos Jr ro 2025 budget bilang urgent rason nga ginpasar eon it Senado sa ikaywa ag ikatlong pagbasa sa sueod it sang adlaw.
Ginpaathag ni Senate Minority Leader Aquilino Pimentel III ro anang pag-abstain bangud sa bukon imaw it pabor sa desisyon it kapareho nana nga mamalidha.
Samtang, ro kaparehong minority senator nga si Senator Risa Hontiveros hay nagpaathag man rason nga pumabor imaw nga ipasar ro budget.
Ginpahayag nga nadugangan ro budgets para sa mga Inter-Agency Council against Trafficking, and the National Coordination Center Against Online Sexual Abuse and Exploitation of Children and Child Abuse and Exploitation Materials.
Ginduea man it Senado ro P39.8 bilyon pesos nga alokasyon para sa Department of Social Welfare and Development nga Ayuda para sa Kapos ang Kita Program (AKAP) ag raya hay gin-eakip sa Assistance to Individuals in Crisis Situation (AICS) program.
Ro AICS hay ginpagdebatihan sa tunga it House of Representatives ag Senate ko bicam bangud sa gin-insister it house leader ro AKAP sa DSWD nga uwa it kasayuran ro pilang senador.
