Masobra sa 4.2 milyong rehistradong botante sa Western Visayas ro magahueat it hasta sa 2028 bago makapili it bag-ong barangay ag Sangguniang Kabataan officials matapos pirmahan ni Pangueong Ferdinand Marcos Jr. ro Republic Act No. 12326, nga nagakansela sa nakataeanang November 2, 2026 BSKE ag nagataeana it masunod nga eleksyon sa ikaywang Lunes it Nobyembre 2028.
Base sa datos it Commission on Election ukon Comelec region 6, kapin sa 4,246,670 ro rehistradong regular ag SK voters sa Western Visayas nga ginakaeakipan it 3,389 barangay.
Bangud sa bag-ong laye, ginpundo ro mga preparasyon para sa 2026 BSKE, kaibahan ro nakataeanang filing it Certificates of Candidacy umpisa kunta makaron nga adlaw it Lunes, Setyembre 28 hasta sa Oktubre 5.
Gintaeana man it RA 12326 sa limang dag-on ro termino it mga barangay ag SK officials.
Suno sa Comelec, saligan nga magapadayon ro voter’s registration para sa 2028 elections sa Nobyembre makaron nga dag-on sandig sa magiging opisyal nga iskedyul it poll body.
