Nakataeanang umabot sa Pilipinas ro 21,000 metrikong tonelada it liquefied petroleum gas (LPG) nga nabakae halin sa Estados Unidos sa Mayo.
Raya hay kaparte it pagtinguha it gobyerno nga masiguro ro malig-on ag masaligan nga suplay it langis sa tunga it krisis sa Middle East kon sa siin nagahalin ro crude oil nga ginaproseso para makakriar it LPG ag nagkaeain-eain nga fuel.
Ginpahayag it Department of Energy (DOE) nga ginaeaumang maideliver raya sa nasyon halin Mayo 20 hasta it 31 ag raya hay pagadaehon sa Batangas.
Ginaeauman sigon nga magapabaskog ro paaeabuton nga shipment sa imbentaryo it nasyon sa LPG ag magapabaskog sa supply buffers para sa mga pumueoyo ag negosyo.
Suno sa Energy Department, maeapit nga nakikipag-angot raya sa gobyerno ag industry stakeholders para masiguro ro energy security, mapabilin ro malig-on nga suplay ag maprotektahan ro kapakanan it mga Pilipino nga nakadepende sa LPG para sa andang pang-adlaw-adlaw nga kinahang-eanon.
