KALIBO, Aklan–Nag-abot eon sa 21 ka mga lugar sa California ro ginpaidaeom sa State of Emergency matapos ro sigidas nga pagpanaeasa it winter storm ag maeapnagon nga pagbaha.
Suno kay Bombo International Correspondent Greg Aguilar nga nakalista sanda it linibong residente nga ginbakwit sa mga ginbuksan nga shelter it gobyerno.
Eubos sigon nanda nga ginakabaeak-an ro mga homeless community bangud sa sobrang eamig it temperatura.
Sa mayad nga swerte suno kana hay sangkiri eamang ro nailistang casualty sa pihak it mabahoe nga kahalitan nga gintuga it winter storm.
Hasta sa makaron hay maabu gihapon nga pumueoyo ro nabudlayan nga makagguwa sa andang panimaeay bangud naga-abot sa 20 feet ro kataason it yelo.
Sambilog pa sa ginaproblemahan nanda hay ro kakueangan it suplay it tubi ag kuryente.
Samtang, presente man nga nakaka-eksperyensya it pagka-delay it flight sa mga paeuparan bangud sa maeain nga tyempo.
