KALIBO, Aklan — Arestado ro sangka eaeaki matapos nga himason ag i-oral sex ro sensitibo nga parte it eawas it anang roommate ag katrabaho samtang nga nagakatueog sa andang kwarto sa Sitio Manggayad, Brgy. Balabag sa isla it Boracay.
Ginkulong sa Malay Police Station ro suspek nga nakilaeang si alyas Mariano, 38, residente it Balingasag, Cuartero, Capiz ag nagtatrabaho sa sangka restaurant sa isla matapos nga arestuhon it pulisya sa andang boarding house.
Base sa report it Malay Police Station, samtang magkaibahan nga nagakatueog sa sangka kwarto hay nabatyagan sigon it biktima nga gintago sa alyas “Wilson”, 22, it San Jose, Occidental Mindoro ro pag-oral sex kana it suspek ag paghimas sa iba pang parte it anang eawas.
Insigida sigon raya nga gintik-eud it biktima ag dayun nga nagdangop sa estasyon it pulisya.
Samtang, ginpaathag sa presinto ni alyas Mariano nga ginbuytan eamang nana ro kinatawo it katrabaho.
Sa pihak it natabu, nagpanindugan ro suspek nga bukon imaw it bading.
Ko ulihi, naabswelto ro suspek matapos magkaayos ro daywa sa presinto.
