KALIBO, Aklan — Nagapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka 22-anyos nga construction worker matapos nga maaresto sa ginpatigayon nga buy bust operation kahapon bandang alas-5:00 it hapon sa Brgy. Marianos, Numancia.
Nabo-oe sa suspek nga si Hilberto Reyes Jr. , alyas Titoy, residente it Brgy. Poblacion, Numancia ro daywang sachet it ginadudahan nga shabu, P8,000 nga gingamit nga marked ag boodle money ag sangka cellphone para sa anang drug transaction.
Samtang, hugut nga ginpamalibaran it suspek nga imaw ro nagapanag-iya it mga narekober nga items ag gin-insister nga planted ro mga raya.
Ginpahayag dugang nga nakibot imaw matapos nga gulpi eamang nga gin-aresto.
Apang nagpanindugan ro Numancia PNP nga maskin nga bukon imaw it drug surrenderee hay na-monitor raya nga nagaduso it illegal nga droga.
Nasayuran nga si Reyes hay dati eon nga nakulong matapos nga madakpan it icepick ag nagpanakaw.
