KALIBO, Aklan—Gaabot sa 226 nga eskwelahan ro nasamad bangud sa Bagyong Rolly.
Sa Laging Handa Public Briefing, ginpahayag ni Education Secretary Leonor Briones nga 869 man ro ginagamit nga evacuation center halin sa 44 nga school divisions.
Katumbas raya suno kana it 4,367 nga classroom ag nagakahaeaga it P489 milyon.
Kaibahan sa mga nasamad ro mga eskwelahan sa Regions I, II, IV-A, IV-B, V,ag VIII ag Cordillera Administrative Region.
Suno kay Briones, nagpadaea eon ro DepEd it mga engineer ag disaster risk reduction management coordinator para magpatigayun it assessment sa mga nasamad nga eskwelahan.
Ginpahayag dugang nga gaabot sa masobra 21,000 nga pamilya ro nagapabilin sa mga pasilidad.
Kadungan kara, nagaeaum si Briones nga makaangkon eon it kaugalingon nga evacuation center ro mga Local Government Unit agud nga indi eon magamit ro mga classroom.
