Kalibo Aklan ———-Nasapwan eon lang nga uwa it kabuhi ro sangka 23 anyos nga eaeaki matapos nga nagbigti-patay sa banwa it Malay.
Base sa report, ro biktima hay tubong Masbate City, sangka cook ag presenteng naga-istar sa nasambit nga lugar.
Nakit-an eon lang ro eaeaki sa sueod it anang kwarto sa sangka apartment nga nakabitay gamit ro paha.
Posible sigon nga nag-inom anay it aeak ro biktima antes nagdesisyon nga magpakamatay bangud sa mga nakit-an nga bote it aeak sa lugar kung sa siin natabo ro insidente.
Nadiskubrehan man it Malay PNP ro diskusyon nanda it anang nobya sa messenger kara kon sa siin nagbilin raya nga magapakamatay bangud sa andang away ag sa selos.
Uwa man it nakikitang foul play ro mga nagrespondeng pulis sa nasambit nga insidente.
Samtang, kon may problema ka nga ginaangkon ag gusto mo it kaistorya, pwede kang magtawag sa National Center for Mental Health Crisis Hotline (NCMH-USAP) sa numero nga 0917-899-USAP (8727) ukon sa 7-989-USAP (8727) kamana man sa Hopeline PH 24/7 hotline numbers nga 0917-558-4673; 0918-873-4673 ukon 2919.
