-- ADVERTISEMENT --
KALIBO, Aklan—Patay eon kat masapwan ro sangka 23-anyos nga eaeaki sa suba nga sakop it Sitio Proper, Casit-an, Libacao.
Ginkilaea it Libacao PNP ro biktimang si Mark Raven Sante, 23-anyos ag residente it nasambit nga lugar.
Base sa report, mismong si Casit-an Barangay Kagawad Rowen Zarandin ro nakakita sa bangkay it biktima nga nagakaya ag uwa eon it kabuhi.
May sakit sigon raya nga epilepsy ag ginapatihan nga samtang nagahugas it anang eawas hay inatake raya it anang masakit nga naging rason it anang pagka-eomos.
Kapin sa tunga sa kilometro ro kaeayuon it anang inanuran halin sa baeay it anang lola kon sa siin imaw nagakatueog kon gabie.
-- ADVERTISEMENT --
Samtang, kumbinsido man ro pamilya nga uwa it foul play sa hinali nga kamatayon it nasambit nga eaeaki.
