BALITANG Espesyal — Sangka eskwelahan sa Needham, Massachusetts ro nakalista it may pinakamaabu nga kambal nga dueuengan nga nagmartsa sa andang middle school graduation.
Ordinaryo eon sa Pollard Middle School nga may mga pares it kambal sa kada grade level.
Kada may end it schoolyear, may una nga lima hasta 10 nga pares it mga kambal nga naga-graduate.
Apang makaron nga 2024 eamang sanda naka-eksperyensiya nga nag-abot sa 23 pares ro mga kambal nga nagtapos it middle school.
Suno sa school principal nga si Tamatha Bibbo, maabu nga mga residente it Needham ro nagdayaw kat masayuran nga 10 percent it graduating class nanda hay twins.
Sa 454 nga magatapos it middle school, 46 kara hay pares it kambal. Dapat hay 48 raya apang ro sangka pares hay nagbueag it eskwelahan.
Sa interview sa mga estudyante it Pollard Middle School, maabu sa mga raya hay nakibot nga pila gale sa andang mga estudyante hay magkambal.
Kaabuan sa mga raya hay fraternal twins ukon mga kambal nga bukon it magka-itsura.
