BANGKOK, Thailand – Patay ro 23 katawo matapos ro pagkasunog it ginsakyan nanda nga bus sa Bangkok, Thailand.
Gina eakipan raya it 20 ka unga ag tatlong manugturo kung siin halin ro mga raya sa school trip.
Suno kay Transport Minister Suriyahe Juangroongruangkit nga ro nasambit nga bus hay ginapadaeagan it delikadong compressed natural gas.
Base sa mga nakakita it aksidente, bumangga pa ro bus sa concrete barrier sa highway nga makit-an sa northern Bangkok.
Haeos nasunog ro bilog nga bus rason nga maabong mga biktima ro uwa naka guwa eagi.
Nakaguwa man sa insidente ro 19 nga pamatan-on ag tatlong manugturo kung siin 16 sa mga raya hay nagapamayad sa hospital.
Hangkat sa mga otoridad nga makilaea ro mga biktima bangod sa sobrang pagkasunog it mga raya.
Ginatumod pa it mga otoridad ro kabangdanan it nasambit nga sunog.
