Kalibo Aklan —– Nagapadayun pa ro imbestigasyon it Malay Police Station sa pagbuno-patay sa sangka 24 anyos nga eaeaki sa sueod it sangka bar sa Brgy. Balabag sa isla it Boracay.
Namatay samtang ginabueong Ciriaco Tirol Hospital ro biktimang si Jude Valen Malijan Castillo, residente it banwa it New Washington ag presenteng naga-istar sa Talipapa Bukid, Sitio Manggayad, Brgy. Manocmanoc sa nasambit nga isla bangud sa patal nga igo it pagbuno sa tiyan.
Ro ginaturo nga suspek hay si Henry Ledesma Roberto, 20-anyos, residente it Culasi, Antique, ag presenteng naga-istar man sa nasambit nga lugar .
Base sa report, samtang naga-inuman sa sueod it bar ro biktima kaibahan si Gerald Telic hay naka-engkwentru kara ro mga kaeaeakin-an sa pihak nga lamesa.
Gin-aresto it mga rumespondeng pulis ro suspek ag gindaea sa presinto, apang padayun ro anang pagpamalibad nga may kahilabtanan imaw sa krimen .
