Kalibo Aklan ——–Ninahan ro sangka eaeaki matapos nga ginbuno it anang kainuman sa Brgy. Badiangan, Banga.
Ginkilaea ni PSSgt. Elmer Relente it Banga Police Station ro biktima nga si Jorex Merani, 24-anyos samtang ro suspek hay si Hershey Rufin, 42-anyos ag parehong residente it nasambit nga lugar.
Base sa report, magkainuman ro daywa kaibahan ro iba pa nandang barkada sa sangka payag sa lugar kon sa siin nakaangkon sigon it mainitang diskusyon sa tunga it mga raya.
Antes ro pagbuno hay ginbayo anay it biktima ro suspek apang bumaeos it pagbuno nga gintunaan it anang pag-angkon it lastro sa tuo nga kilid.
Insigidang nadaea sa sangka pribadong ospital iya sa banwa it Kalibo apang matapos nga gintahi ro anang lastro hay insigida man nga ginrefer sa out patient department.
Samtang, padayon nga ginatugis it pulisya ro suspek matapos nga nakapaeagyo matapos ro insidente.
