KALIBO, Aklan—Napasaalima eon it lokal nga gobyerno it Aklan ro kapin sa 2,400 doses it Sputnik V COVID-19 vaccine nga himo it Russia.
Pasado alas-9:15 ko agahon it Miyerkules kat nag-abot sa Kalibo International Airport ro mga supply it bakuna sakay it Cebu Pacific Air.
Suno kay Police Captain Deejay Dominggo it Aviation Security Group it Kalibo International Airport nga insigida sandang nagpatuman it security plan antes ro pag-abot it mga bakuna.
Suno kana, importante nga mataw-an it hugut nga seguridad ro bakuna agud eowas rayang maihatod sa publiko.
Pila sigon sa andang ginasigurado hay maayos rayang maihatod sa naga-pick kara nga saeakyan paadto sa cold storage facility it Aklan Provincial Hospistal.
Sa pihak nga parte, nagapabilin gihapon nga limitado ro biyahe sa Kalibo International Airport kasunod it mga ginapatuman nga quarantine restrictions.
Suno kay Dominggo, kaeabanan sa mga nagapaabot nga pasahero hay mga Aklanon kun siin maeaka eamang ro pagsueod it ibang travelers.
Angot kara, hugut man nga ginapatuman sa nasambit nga paeuparan ro pagsunod sa minimum health and safety protocols agud malikawan ro pagkalhit it COVID-19 infection.
