KALIBO, Aklan — Padayun ro pagtugis it mga otoridad sa sangka panadero matapos nga ireklamo it pagpanghimueos it anang ka-textamate nga 25-anyos nga babaye sa sangka lodging house sa Kalibo, Aklan.
Ro suspek nga nakilaea sa alyas nga “Manoy” hay gina-alegar nga may asawa eon ag an-um nga mga unga ag residente it Roxas City, Capiz, apang nagatrabaho sa sangka bakeshop sa Kalibo.
Suno sa panaysayon it biktima sa kapulisan, ginpaguwa imaw it anang textmate sa guwa it andang baeay ko Huwebes it gabi-i, apang pilit imaw nga gindaea sa sangka lodging house.
Ginapatihan nga napilitan nga magsunod ro daeaga sa suspek bangud nga gina-alegar nga maskin nga nakatapos raya it high school hay medyu may diperensiya raya sa paminsaron.
Kat maka-uli ro biktima ko agahon it Biyernes, nagsugid raya sa anang ina sa kon ano ro natabu.
Insigida sanda nga nagdangop sa Kalibo PNP, apang ginasugid nga indi eon makita ro presensiya it suspek ag nag-uli eon raya sa Capiz.
Ginpaidaeum man sa medico legal examination ro biktima agud nga matumod kon raya hay natabing.
