-- ADVERTISEMENT --
KALIBO, Aklan – – – Dead on arrival sa Aklan Provincal Hospital ro sangka car driver matapos nga sumunggab ro anang ginamanehong saeakyan sa poste it AKELCO antes nga dumiretso sa pader sa Brgy. Laguinbanwa East, Numancia.
Nakaangkon it patal nga lastro sa ueo ro biktimang ginkilaea kay Sydrich Kirstin Carillo-Teodosio, 25-anyos ag residente it Brgy. Poblacion, Lezo.
Base sa inisyal nga imbestigasyon it Numancia PNP, posibleng nagapauli eon ro biktima sa andang residensya kat matabo ro aksidente.
Sumunggab sigon raya sa poste it AKELCO rason nga nadueaan it kontrol ag dumiretso ro anang ginamanehong saeakyan sa pader nga nagresulta sa pag-angkon it lastro sa ueo nga gintunaan it anang hinali nga kamatayon.
